يامنية النفس ..،

[سالم الوشاحي]

المشاركة الأصلية كتبت بواسطة عائشة الفزاري

عائشة الفزاري شاعرة فصيح في المقام الأول
وكتاباتها في النبطي / الشعبي ليست سوى كتابات بسيطة
علما بأن هذا النص هو البدايات لعائشة أي منذ سنين مضت
وهو الآن بين أيديكم كما نشر آنذاك
دمتم بألق

مثل الجمر يلتهب حبك وسط صـدري

******** يكوي ضلوعي ويحرق في شرايينـي

يمشي بدمي وفي لب الحشـا يسـري

********** سم بفـؤادي أحـس ونار تكويني

يامنية النفس قربك هو أمـل عمـري

********* ان كان تجهل فهـذي لـك براهيني

أهوى غرامك وأعشق حبك العـذري

******* وعن شوف غيرك هواك اليوم معميني

ياقدرة الله كيف الوقـت بـي يجـري

****** من دون شوفك وكيف بعيد عن عيني

من كثر مابي أحس احترت في أمري

******** مدري أناأطويه والاالوقت يطويني

الله أكبـر أقــدم للهوى عــذري

********* مااقدر اقـاوم تحطـم كل مافيني

حاولت ابا اصبر ولكنه نفـذ صبـري

********* يصرخ فؤادي يحبـك يا معنّيني

يصرخ يناجي غيابك ياضيـا فجـري

******** لحظة تمهـل حـرام اليـوم تشقيني

حرام وبإيدك حبيبـي تحفـره قبـري

******* دامك على علـم ان البعـد ياذيني

ياشيـن حظـي اذا بالحـال ماتـدري

******* مثـل الغريبـة أدورهـا عناويـني

تفوح ذكرى غرامـك كنهـا عطـري

******* بهيم فيهـا ولاابغـى من يصحينـي

هذا اعترافي يخطه (ع )الورق حبري

****** وانت اختيـارك تموتنـي وتحيينـي

القرب منك يبث النبض في صـدري

***** والبعد ساقٍ على الضيقـات يهدينـي

عائشه الفزاري / ماشاء الله عليك

أبيات جميله أتمنى لك التوفيق

والكتابه في الشعر النبطي

((أبوسامي))