وعظ وتنبيه

أبو هلال السوطي · #1 12-12-2012, 08:07 AM

مقصب رزحه - أرشيفي

سميـــــــت بك يا باعــث النبي ياسين + ونزَل الى الأمــــــه بحُسن بشايره

أنظـــــــــــــم مثــال ٍ للذي قلبـــه يلين + ويعوف عن طمع الزمن وضرايره

حظـــه الذي يسمـــــع كلام الواعظين + لانه الدنـا باغي الدنـــــــا ما معمره

ترّك لَهـــــــــوّ الزمان ودرب الزايغين + ورغــــــــــب لمولاك العظيم وكبّره

لي يريد يصبح عنــد الله من الفايزين + عن لا ينسى الفرايــــــض المقرره

أدي الصلاه لانها الصلاه عمود الدين + والصوم واجب عَـــــــد أيام شهره

ولا تغفل عن قرية النـــــــــور المبين + ومشي على سنّــــــة نبينا الظافره

والحج واجب لكـــــن ينعفي المسكين + لي ما تكـون لـّه استطاعه ومقدره

ولن جاك رجل ٍ عاثـر مسكين ٍ حْزين + ومغــــــــط يدينه عن ترده وتنهره

يلّـــــــك ثواب وخيره عنـد الله المتين + كل من حاسن فقير ٍ يزداد أجـــــره

والرزق في قبضة إلــــــــــه العالمين + لاتخاف عن يفــوت الحظ وتخسره

مكتوب لك نصيبــــــــــك قبل مّا تبين + وارضى بعطيـــــة الله واللي يقدره

واطلــــب يللي تريده مْـ الرب المُعين + من دون ألله لا تطلــــــــب مناصره

ولن عضتك صـروف الدنيا والسنين + توســــــل للخالـــــــق وقلبك صبّره

وان كان لك صديق ٍ عاقــــــل ٍ كَهّين + لو ٍ نصيفة ليـــــــل قصده وشاوره

وبانبهـــــــــــــك لاتنسى بَر الوالدين + ما جايزلـّـك والديــــــــــــــك تكدره

كم سحروا بشانــــــــك ناس ٍ باريين + يوم ٍ يحســــــــــــوا حالتـك متغيّره

وسرّك نظر به رجـــــل ٍ فاهم ٍ فَطّين + لاتودعه يللي يعقــــــــــــــه وينثره

واحفـــــــــظ لسانك إنها سيفٍ سنين + كــــــــــم واحدٍ تصبح لسانه تعثره

وإذا حضرت فمجلــــس ٍ حَـ الخيرين + كلامك وزنـــــه ولن نطقت بأخيّره

وحــــــال الأمانه نتصب رجال ٍ أمين + وحفـــــظ مال المودع عن لا تنكره

ولا يغرلك شبابك والجســــم السمين + كم ناشي ٍ توفى قبــــــــــــل اكابره

زور الأقارب والاهـــــل والمخلصين + لانهــــا الزيـــــــاره سنــــــةٍ مأثره

والجــــــــار عامله على لطافه ولين + وصايـــا الهــــادي لا تفكّر مسخره

وراعي النميمه لن جاك بكلام ٍ شين + لاترابعـــــه فكلامــــه ولاتشل خبره

بيذم عنــــــــــدك أشخاص ٍ مكرمين + ومعهـــــم يذمــــك والكــــلام يغيره

ولَبغيت تستعبد قلـــــــــوب الآخرين + احســـــن عليهـــم بمروّه ومزاوره

بتشوفهــــــــــم عند النوايب زاهبين + ما تردهـــم عنّـــــك دروبٍ مخطره

ولَبغيت تنصب لّك فحياتـــــــك قرين + سير وتنشّد عَـ العــــــــود وجذايره

لاتقــــــول زينه وعليها وجهٍ حْسين + لايغرّلـــــــــك جمال الوجه ومنظره

هذا مثال ٍ صادق وكـــــــــلام ٍ رزين + تنبيهٍ حّـ الـــــــــــذي متابع خاطره