برواز الصور

[خليل عفيفي]

المشاركة الأصلية كتبت بواسطة محمد مبارك البريكي

كيف أكتبك...
وإنتي دفاتر من ورق
وإنتي بيوت كل الشعر
والقصة اللي انحكت
كيف أرسمك....
وكل الصور اتكسرت
وانتي براويزك خيال
كيف أجمعك
وكلك شضايا من زجاج
اتبعثرت في رحلتي
كانت جروح لخطوتي
كيف أوصلك...
لا صار دربك لي قفر
لو صارت الخطوة سراب
لو هالمسافة تحظنك
وصارت دروبك جمر
أبتبعك...
يا دمعه على خد الورق
دليني على اسهل طريق
يا نور من عيني انسرق
انسان ( ف) عيونك غريق
وامحي ملامح دفترك
واطوي معه كل الورق
واعطي لمرساك خبر
ربان أتعبه السفر
ولمي شظايا هالزجاج
وخلي لبروازك وجود
لاصرت لي كل الصور

أخي وشاعري القدير
محمد مبارك البريكي
يسعدني أن أقرأ وأترنم
بروعة الشعر وعذوبة الشاعرية
صح لسانك أيها النبيل