اقتباس:
المشاركة الأصلية كتبت بواسطة سالم بن حمدان الحجري
سكنة الأحرف
من كلــمة إلى كلمــة بلغني والقصـــد معروف
وعرف(ن) في زمان الحق تشــهد كــلها أعرافي
عطيتك سكنة الأحرف وصبري لو بحر مغروف
تهيدت ســاعة الســاعة ووقتي الصمــت لي خافي
أنا مجدافي أقصيدي وزورق بوحي المحذوف
وقاموســي زرع شـــفك على أعتاب مــجدافي
على طاريك لملمته قصيدي في متون أظروف
وشَمعته بصدر الصمت على موج الوهن طافي
أصيل الهم والمعدن عرفته من بعيد الشـــوف
أشــــوفه في ســجلاتي حبر خطي وأنصــافي
زرعت الورد باهمومي يصفق راحته باكفوف
وعلى صوت الوتر سامع نشيد أخبارك الكافي
بهت شمس الصبح ليلة على غيمة تلال اطوف
تبـــخر دمــعها عيني وعــافت نوم لو غافـــي
صرير أبواب في نفسي ونفسك يحتويها الخوف
تزمجــر ريح أذكارك ملــكت اســـنين إجحــافي
بقايا من ســـنين الصــغر تعاتبني مــداها احروف
تكتب قصــــة الماضــــي وكســــر أبعظم اكتـافي
سلامي في صفات الريم لياخذ (م) المراعي اقطوف
وســلامي في جــبين الصــبح ينســج عز لأشــرافي
تحياتي شاعر الشمال |
ياسلام عليك اخي سالم يعجبني توظيف المفرده في الأبيات
أحسنت أخي على رقئ طرح الجميل (أصيل الهم والمعدن عرفته من بعيد الشوف
أشوفه في سجلاتي حبر خطي وأنصافي ) ماأقول إلا صح السانك ابدعت
وامتعت بحق فلاتحرمنا من الجديد
((أبوسامي))
25-04-2010, 04:22 PM
العرض الشجري