البديوي ... والبحر الميت

[سعيد الفطيسي]

المشاركة الأصلية كتبت بواسطة نوره البادي

إهداء ...ل ( بو سعيد )

البديوي.... والبحر الميت

خبروني كيف بوصف ... من رسم قلبي حلاه ؟؟!
كل ما أنظر عيونه ... ما أحاتي العاقبه ....!!!

سهم من عينه لمحته ما أعتقد منه نجاه !

بين كل مده ومده صار فيني يجربه .......

فاقد الإحساس كني ... كل تفكيري معاه

قلب ومخدر بسهمه... ما يحس لو صوبه !

كل شي صاير يحبه كل شي صاير فداه

كل شي رايد وصاله ... بس منه يقربه

ليه يقولوا البحر ميت؟ وش هي أسباب الوفاه؟!

السبب من هالبديوي لي بغرامه ذوبه !!

قالها المهزاع بحره صار سكر من شفاه !!

من يسيل الريق غفله كل ملحه يقلبه ...

من عذابه له عُذوبه... يحتوي لذه ف ماه

كيف لو يسقيك ريقه وأنت منه تشربه !!

من غلاته يوم يمشي ع الرمل حافي خطاه

زاد سوقه في بلاده حل كيل الأتربه !!

البديوي إللي أعرفه يختلف عن كل بداه

في عتابه... في مزاجه... يوم أزعل يعجبه !!

هو يعاند في فعاله... طيب ويصنع خطاه

يبغي بس أقرص ع خده... من دلعه أتوبه

من تجي عينه بعيني ضاع رمشي في فضاه

ونحنت هالشمس تخجل من يضوي كوكبه !!

في أبتسامه ذاب قلبي م الغزل لو ما حكاه

والغزل خايف ع قلبي لو بغفله أسكبه !!

كم يقيس الشوق فيني... كم غربلني معاه

يا حبيبي بي ترفق لا تعيد التجربه .....\

===========

هلا ومسهلا بنورة
نفسك الشعري طويل
ظهر ذلك من خلال الإسترسال في الكتابة التي اتت هنا في صيغة المتحدث
قدرة على توظيف السهل الممتنع لخدمة الغرض العام للقصيدة
كذلك اظهر النص مزاجية نورة في صياغة احاسيسها بطريقة مشوقة فاتت على هيئة حكاية او سالفة وهذا جميل جدا

استمري يا نورة فانا متأكد من أن القادم أجمل

سعيد الفطيسي