][ :: مطـــــــــــــــــر :: ][

[سالم الوشاحي]

المشاركة الأصلية كتبت بواسطة فاطمة العامري

السلام عليكم و رحمة الله و بركاته ،،
/
صبـحكم الله بـ الخير ..
مصافحة أولى لِـ قلوبكم البيضآء =)

\

يبلل هَ المطر أرضي ..... و برده فالضلوع .... يمرّ
...........و صوته صحّى إحساس ن بدا في عآلمي يْشوّش
اشوف الحزن .... مستوحش يراقب روعة المنظر
........... لِ قطْرات المطر ... تنثر حياه و للفرح تفرش
سرح فكره .. على ذاك البساط الأزهر / الأخضر
........... غريبة .. ه المطر شد إنتباهه .. صار ما يرمش
يَ قلبي .. شوف ما كنّه بيبدا الحين يتذّكر ؟
........... تعال .. و قوم و اتبعني قبل لا حزْننا يْنبّش
يقلّب دفتر أوجاعك .. وخلّه بِ المسا الممطر
........... تعال وْ .. اِهمس بخطوك على مهلك تعال .. و اشششش
شوي شوي .. لا يسمعْ .. بتنساه الحزن و المر
........... ولا يْهمك .. أنانيّتك درِبْ .. لا تعتبرها غش
عقب أيام رح ينسى وجودك لا رحلت .. أبشر
........... مثل ما هالمطر يبعد ... بعد مَ يْفرّحك .. بالرّش
تعال وْ غمّض عيونك .. تراك أكبر .. نعم أكبر
........... من إنّك تنبهر / تحزن .. تشوف إن أيّ شي مُدهش
مطر .. بس لين هاللحظة انا مَ ستوعبك ،،، تحضر
........... و تغفر هالأرض هجرك .. وهي من دونك بْتعطش
مطر .. هالغيم بك يذرف .. ف لحظة يوم ملّ الصبْر
........... تضّمه ه السما بالحييل .. إليمن ب البكا أجهش
مطر .. تبكي ؟ .. تصب دموع .. وْبك كل الملا تزهر !
........... و قطراتك على كف السعادة .. لِ الأمل .. تنقش
هِنا عصفورة اتْرفرف .. لفوووق وْ كل شي يصغر
........... تغرّد لِ الْزهر .. لِ الصبْحِِ عنْ أحلامها تْدردش
تسابقها الرياح .. وْ تضْحك وْ جو السما اتْعطّر
........... عبق قطر المطر أنعش وجه هالأرض .. ثم فرفش
كبرت و نظرتي تصغر بعد أكثر .. بعد أكثر
........... قناعاتي ... بِ برد الجو .. بلا مآوى بدت ترعش
يَ ليت ان همي الأكبر .. أدوّر وينه الدفتر !
........... بدونه مَ سمحتلي ( أبلتي ) ل الصف حتى آدش
أو إني لو أسوي شي .. أبسمع إنّي الأشطر
........... بعدها آشاغب .. أتعمّد هدوء الصف بس .. أربش
ولكنْه الْمطر سافر وْ راحت كلّها الأسطر
........... يقول ان البراءة .. هيْ دموع .. لْ بهجتي تنهش
غبآء أتوّسد الطيبة .. بطيح و رآح أتعثّر
........... أبيّن ك الذي حاضر .. وسط زفّة .. وهو أطرشْ
غبآء الحب أحلم به .. لأنه رآح يتكسّر
........... أو يْحطّم قلب ينبض .. أخاف إنه ضعيييييف و هش
يمد الليل بستاره .. تصّر ال (آآه) لا تسهر
........... جفوني ما غفت .. لين الفجر .. يعلّن ب إنّه نش
على حيله .. وقف خوفي .. تسنّد في حلم أغبر
........... جدار القصر ذاك اللي بنيته من زمن ... ب القش

مستيرياس

شاعرتنا الكبيره فاطمه العامري لي الشرف
بأن اكون أول من سجل حضوره على هذه القصيده الرائعه
فأهلاً وسهلا بك وعلى الرحبي والسعه..
قصيدة غايه في الروعه..
سلمتي وبارك الله فيك

تحال للتثبيت

[فاطمة العامري]

المشاركة الأصلية كتبت بواسطة أبو سامي

شاعرتنا الكبيره فاطمه العامري لي الشرف

بأن اكون أول من سجل حضوره على هذه القصيده الرائعه
فأهلاً وسهلا بك وعلى الرحبي والسعه..
قصيدة غايه في الروعه..
سلمتي وبارك الله فيك

تحال للتثبيت

أبو سآمي ...

مسائك ألــق مشرفنـــاآ ..

والله الشرف لي بـ أنك أول الواصلين ...
أسعدني تواجدك جداً ..
و تسـلم ع الترحيب الراقي هذا من طيبكم و كرمكم و الوآحد يشرفه يكون بينكم =)
10000 شكـر لك على هكذا حُضور ..
دمت بـ حفظ الرحمن ^^