>>>>>>>>>>> لـعـيـــــونـــــك ... صــبـــــــــاح الـخــيــــــــر

[ناصر بن سالم الهاشمي]

المشاركة الأصلية كتبت بواسطة يعقوب الحوسني

*

صباح الخير

يا كتله من الاحساس

تسحرني وإن غابت عن الناظر

فتبقى وسط شرياني

نبض وافي و دايم تشغل التفكير

يا أروع ويا أطيب بشر يسكن بوجداني

وخفاقي إذا هو ضاق يمر طيفه يسليني ..

يفرحني ..

يزيل الهم عن بالي

وإحس إني طفل مولود توه صغير

وده لو بكى مره

على صدرك تضمينه

على حضنك تشيلينه .. تراضينه

وفوق الخد توبيسنه

ومن يسكت على حجرك تنومينه

يــ حجر الليل يا البارح ويا باكر

ويا ديره ووحدك نور هالديره

سماها والزهر والطير فــ عيوني

يــ أجمل من أناديها ( بعد عمري )

وهي تنده علي ( روحي )

ويا أحلى أمل وردي

أعيش العمر في ظله

ويا بسمه ..

يراقصها الورد (سمبا)على شرفة غرامي

والوطن حضني

وأسقيك الزلال العذب من وجدي

وأستبشر بوجهك خير أيامي

ويا لحن الخلود اللي ترانيمه وتر قلبي

يغنيها الصباح العيد كل ما يشرق النور ويرددها

لسان الطير قبل يطير

يهمس لك : عساك بخير يا عمري؟

تصدقي عاد يا روحي؟

صباح الخير

أو حتى مساء الخير

ما تفرق معي دام الطيبين بخير

لعيونك (( صباح الخير ))

**

الغالي يعقوب //

وانا اقول مسائك شعر يا وجه الخير //

دخيلك يا الغالي خلينا فالخيزرانة ///

صدقني رقصتها وتمايلها اجمل عن ( السامبا ) وجودها اجمل في حديقتك الغناء ايها الجميل ///

تحياتي بود // ناااااصر