قصيدة رثاء في المرحوم يوسف الراشدي

[غ الجنيبي]

غ الجنيبي

جزاك الله خير شاعرنا/شاعرتنا

على المداخله

والاحساس الجميل

الذي يفوح بصدق المشاعر في كل الاتجاهات

وهذا الرثاء

في المرحوم يوسف يجعله حياً بيننا

بفضل تواجدكم واثرائكم هذا المتصفح

بمتابعتكم

والاشاده بشاعر أعياه المرض

واقعدة طريح الفراش

وبرغم ذالك كرس نفسه للادب والثقافه واثراهاااا

بانتاجه الواعي

نعم

سوف يضل خالداا بالذاكره إلي الابد[/quote]




أشكرك ياأستاذي سالم على المداخلة معك شاعر وليست شاعره وكانت بيني وبين الشاعر المرحوم مشاكاة قصايد ومنها قصيدة كنت أقول فيها:


للراشدي بأبدع معاني ومثالي
الشاعر اللي مشوقنَي بقيله

من نسل ناس(ن) فاهمين المقالي
شهم(ن )يرحب بالقوافي الثقيلة

له نظرة(ن) في ذروة المجد عالي
يوسف عزيز النفس راعي الفضيلة

شاعر ويحكم(ف) الهوى بالعدالي
ويبكي لحكمه اللي تشوَق خليله

عاصر دروب الحب أول وتالي
عارف مكانه المنعمات بظليله

يوم(ن) يحيَر شايعين الرجالي
ذاك الهوى دن الرعد من مخيله

يالراشدي بأكتب لك اللي جرالي
واللي أستوالي عصر عقب المجيله

لاحظت خلي مول ماهو صفالي
ناسي عشرتي (ف) الليال المليله

وأهتم عقبي من كلام(ن) يقالي
أشوفه يجافيني بخدعة وحيله

يجحد وينسى ماضيات الليالي
وحركات فعله أجبرتني بديله

أما العذارى عد نجم الرمالي
فيهن وفيَ العهد وألاَ مثيله

طالعت فيهن بين أغلى وغالي
معتل يوفي ولاسلى من عليله

ما لان قلبي صوب غيره ومالي
ولامن جدى شخصه لفاني جميله

ولاذقت من فوح المحبه دلالي
ظنيت كفه (م) الخيانه بخيله

لكن يخيب الظن إن كان سالي
اللي هويته من سنين(ن) طويله

غر(ن) عشقته أن مشى كالغزالي
حذر(ن) ولا القنيص يقدر يشيله

مقبل لشخصه جاذبني الجمالي
وحسيت به مثل الرفيق لزميله

تناظر عيوني بأبدري(ن) كمالي
وقلبي من اسهامه تشنَع دليله

السهم يلي مشتهر بالقتالي
مطلوق من رمش العيون الثليله

غض الصبا له رسمة(ن) وسط بالي
وله تنتمي كل الجوارح عضيله

سحاب حبه مسوي لي ظلالي
وأشفقت تحته مثل أرض(ن) محيله

طوَل غيابه وباقي اللي بقى لي
ذكراه بقَى لي دموع(ن) هميله

بأقصى الضمير البعد سوَى شعالي
نار(ن) شعايلها تلبًج فتيله

النوم منها راحته ماتهنى لي
ولاعيشة(ن) تهنى لكبد(ن) شعيله

بأعزاك يايوسف زبين(ن) لحالي
أنت الأخو بترد سيل المسيله

بيكف منصوحك جميع النذالي
وبيفهمه يلي معطَر جديله

مايخيب ظني فيك سبع الليالي
ووافيَ من أمثالك ياذرب الفعيله

قولك كما نهر(ن) نزل (م) الجبالي
تدفق عيونه كل يوم(ن) وليله

ومنك العذر إن شفت كود وخلالي
من عاطفة قلب(ن) ينادي بويله


والسلام والمعذرة من الجميع