يــا مســـافـر.. لمصافحة قلوبكم ..

[احمد المعمري]

المشاركة الأصلية كتبت بواسطة نبهان السلطي

السلام عليكم
لمصافحة قلوبك النقيّه
وللوفاء لهذا الموقع والرائعين القائمين عليه
ولذلك الفتى الحجري الراقي (فهد)
اضع بين يديكم هذه المتواضعه

يامسافر وعيني لك مداها بلاد
.....جدب أرهق أراضيها حنين المطر


قام لك كلّ غصنٍ من شعوري يناد
.....كيف ما هزّ غيمتك إنحناءالزهر..


مووت،صلّت مشاعرنا لوصلك عباد
.....وإنت قطّاع وصل وأرضنا تحتضر


مـ إرتوت من مواسم ريّها للحصاد
......لين يبّس ضمـــاها كل عودٍ خضر


مارجيتك سوى للعمر فرحه وزاد
.....وما لقيتك ســوى غايب بليا عذر


إيه أقسى شعور العاشقين البعاد
.....لكن البعد أقسى لو خيالك حضر


كنّهــ العمر بستان وغزاه الجراد..
.....يوم ما رحت وأسراب الليالي تمر..


ليلتي جرح يا كبر الجروح الجداد!!
.....كيف لو صارت الليله تساوي عمر؟!


إيه شاعر يجوز آهيم في كلّ واد
......بس مـ آهيم في وادٍ بليا شجر


كل حيّ بغيابك في عيوني جماد
.....وكل شيّ بغيابك خلّى قلبك حجر


ماثنى غصن أشواقك حنين المداد
.....ولا كسر عود من صبري غيابك دهر


ناطرك لين يكتب للمصافح أياد
.....ناطرك لين يرسم للمعانق صور


ناطرك لين تروى بك عيوني بلاد
.....يوم تجرح ضماها وإنت شوفك مطر

الله الله


نبهان حلق خارج السرب



صح لسانك