حتى وهــو يعشق " عماني "

[فاطمة الفرعي]

المشاركة الأصلية كتبت بواسطة فهد الأغبري

لا جديد ..


صدري على الجمـر.. دفيتــه
ـــــــــــــــــــــ مـن سافــر إحساســه الحانـي


وأخذت طـيفـــه .. وضميتــه
ـــــــــــــــــــــ يمكـن يخفـف عـن أحــزانــي


وبـمعطـف " الشـوق " كنيتـه
ـــــــــــــــــــــ ليـــن امتلـــت منـــه وديــاني


أحيـــان أحس إنــي أعطيتــه
ـــــــــــــــــــــ أضعــــاف مــا قلبـه أعطاني


يفـــداه كـــل شــي ســويتــــه
ـــــــــــــــــــــ لـــو مـا عشانه .. على شاني


كـــم لـــي وأنا اقول : يا ليته
ـــــــــــــــــــــ يدري العِشِــــق وين وداني ؟


مـــرة .. كثـــر مـــا تمنيتـــه
ـــــــــــــــــــــ يشوفنــــي كيـــــف خـلّاني ..


عرفـــت بيتـــه / ومـــريتــه
ـــــــــــــــــــــ مـــن خــوفي بترجف أسناني


دقيـــت بــابـــه ونــاديتـــــه :
ـــــــــــــــــــــ يـا طير وينك عن أغصاني ؟


ف غيابــــك الحـــزن غنيتــه
ـــــــــــــــــــــ وأخـــذت مـن صوتك ألحاني


صـــاحِبْــك كنــك تنــاسيتـــه
ـــــــــــــــــــــ لك كم سنـــة وانت تجفــاني؟


فجأة !! وأنـا في حضن بيته
ـــــــــــــــــــــ .. إلا وأبــــــوه ايتلقّـــانــي !


ســـأل عـــن إسمــي ودليته :
ـــــــــــــــــــــ أنــــا ود فـــلان الفـــلانـــــي


والشيمـــة إن كنـت دلـيتــــه
ـــــــــــــــــــــ أرجـــوك لا تعلّـــم أخواني !


مـــو نـــاقص يقــــال حبيتــه
ـــــــــــــــــــــ واتبهـــدل ف بيــت حيــــاني


يا عمي .. سنيــن مــا ريتـــه
ـــــــــــــــــــــ صــدقنــي البعـــد أضنـاني !


همس – عقـب ما ترجيته - :
ـــــــــــــــــــــ خــلاص لا تعـــودهـــا ثانـي


لقّطـــت وجهـــــي ..وخــليـه
ـــــــــــــــــــــ لكــــن رجـــولــي بتعصــاني


فـــي غـــرفتــه مــولّـــعٍ ليته
ـــــــــــــــــــــ والشـــوق ولّــع بـــوجـــداني


وانــا أبتعــد .. عقب ما جيته
ـــــــــــــــــــــ قبل أطــوي الحــــب بأجفاني


نزعت قلبـــــي .. وعقيتـــــه
ـــــــــــــــــــــ خـــابِرْه مـــا راح ينســــانـي


مــــن بد هـــالنـــاس حبيتـــه
ـــــــــــــــــــــ ركضت لـــه غيــر مـا جاني


أخيّـــر لــي أتـرك من أغليته
ـــــــــــــــــــــ ولا أقضــي العمــر وحــداني


أنــــا رجـــل عـــارف أمنيته
ـــــــــــــــــــــ لـــو ألف حــاجــــة اتــحداني


شف حاجز الصمت عديتــــه
ـــــــــــــــــــــ من قالوا : لســانــي حصـاني


والشعـــــر أنــا مــا تهجيتـــه
ـــــــــــــــــــــ ينســـاب حرفـــي مع أوزاني


كتبــــت لـــه شـــي وأخفيتــه
ـــــــــــــــــــــ يمكــــن اذا مــرّ يقـــــرانـــي


أو لـــــو سمـــع يـــوم عديته
ـــــــــــــــــــــ يدعيلي : صح الله لسانــــي !


شاعــــر نـزف وسط أمسيته
ـــــــــــــــــــــ مـــن كثـــر يجـري بشرياني


ماخــــذ طبـــايـــع أهــل بيته
ـــــــــــــــــــــ حتى وهــو يعشق " عماني "

يا سلام عليك أستاذنا ؛؛؛نص به دوزنه غير طبيعية ؛المميز في أسلوبك أنك توظف المفردة في مكانها بالضبط ؛وبالشكل إللي تريده ؛وهذا ما كل أحد يتقنه ؛أمانة أستمتعت كثيرا وأنا أتجول في أروقة هذه الواحة الغناء .............

أوقاتك ضياء