يـــــا طــــــيـــــــــــر

[علي الفارسي]

المشاركة الأصلية كتبت بواسطة خليفه الغافري

يا طير


يا طير رفرف فوق لا شفت حالي
يائس من أنواع البلا والمقادير




عجل رجيتك واقصد بلاد غالي
علمه إني صرت في غيبته غير




علمه إني بعدما غاب مالي
غير القصيد إذا نوى يمي يغير




علمه يا طيري خوافي الليالي
بلغ جنابه ما حصل دون تغيير




ذكره في ماضي سنينه الخوالي
واطلب عن غيابه بلا عذر تبرير




وان كان شفته طايب الحال سالي
عوّد وأخلف عن حمى خلي السير





لا تزعجه أرجوك لو ما يبالي
خله لأنه للعنا بعده صغير




باكر إذا ضاقت عليه ونوالي
كلي على ما يشتهي خلي أسير




لكن قبل بذوقه ما جرالي
ودي عيونه تذرف الدمع وتحير




أبغيه يعرف كيف ضاق إحتمالي
كيف الثواني لا شكى المبتلي اتصير




ولا أنا بعد الغلا وش بقالي
عايش بكوني كن أنا راهب بدير




ثوب الحياه ف غيبته صار بالي
والدمع جيشه عند جفني طوابير




ياطير رفرف فوق وأحمل سؤالي
وعسى أشوفك صبح باكر على خير






















تحياتي وتقديري للجميع

اخي خليفه الغافري
رائع
كلمات لها ايقاع جميل
راقت لي
تقبل مروري
لك مني كل الود