الارض ما عادت تدور!!!

[سالم الوشاحي]

المشاركة الأصلية كتبت بواسطة علي المقبالي

السلام عليكم واسعد الله مساءكم وصباحكم


الأرض ما عادت تدور!!!

الموعد اللي جيت له وش دهاني؟!!
ما جابني الأ ثقة نفس وغرور

من بعد ما قضّيت عمري أعاني
واوقد على بركان في صدري يثور

أعلنتها توبه سرت بالمحاني
وتركت خلفي موكب الغيد طابور

أقبلت للموعد وانا شخص ثاني
يسوقني له شور.. ويردني شور

لين أقبلت عطر ونسيم وأغاني
تمشي وتتبعها فراشات وزهور

وقّفت لحظة شوفها في مكاني
عاجز وصار الكون نور(ن) على نور

كنّ الزمن وقّف ع ذيك الثواني
يعني كأن الأرض ما عادت تدور!!

شعور يعجز عن وصوفه لساني
لا والله ان الأمر اسمى من شعور

تعجز احاسيس الشعر والمعاني
عن وصفها وآنا عن الوصف معذور

ما مر باحلامي ولا فــ الاماني
إني على هالارض تلقاني الحور!!

ومن يومها وآنا أعد الثواني
أبني قصور.. وأهدم بعزمي قصور

عقل(ن) حكيم يذود قلب(ن) أناني
وعيونها والخوف من ربّي حضور

ناديت يا من زلزلت لي كياني
خلّي الذي بالقلب مخفي ومستور


يا مركب مضيّع دروب المواني
ما في المواني غير غادر ومغدور

ويا واحة النّسرين لو ما عشاني ..
عشان ما نزرع مداين من الجور

أرجوك خلّينا بلا وعد ثاني
أخافني لا جيت يتهدّم السور

أكيد ربّي في هواك ابتلاني
والّا الصقر ما يوقع فإيد عصفور



...
..
.

الأستاذ والشاعر العذب علي المقبالي

السلام عليكم ورحمة الله وبركاته

صح السانك ولاهان منطوقك

أبيات جداً جميله وإبداع بلغ القمة

بيض الله ويهك على ما خطه قلمك الذهبي

لم أشاء أن أقتبس تدري ليش؟؟

خفت لا انقص من جمالها فأتيتُ

بالنص كاملاً ....

لافظ فوك أيها الأصيل

أبدعت حساً وحرفا