لو كان لي " جنحان " .. ما فكّرت أطير ..!!

[حمود بن وهقه]

السلام عليكم ..

لا أدري ما الذي يلهمني بها !!

لكن الأكيد أنني لا أجيد الشعر إلا

عندما أكون فيها ..!!


-------------

ما يعـلم بحـال الفـقــيـر إلا الفـــقــيــر !
إللي رغـيف سكـوتهــم : صبـر وحـبــر

ولا يحــسّ بوحدتـي غــيــر الضـــريــر
اللي برغم النـور عـايـش فــي قــــبـر!

يصفعـني الـواقـع .. ويشـتـمـني كـثـيــر
والظلم مـن كـل اتجـاهـاتــي " إبـــر "

لو كـان لي جـنحان : مـا فكـــرت أطير
اللي يعــرف الجــوّ،، مـا حـلّـق شـبر!

تعـبـت أسـابـق نفـسي وأطلع "الأخير"
كم قلت: أثـابر، والصدى صاح: انثـبـر

لكن يبث الروح في الوضـع الكـسـيـر:
إنّي كـســيـر، وداخـــلي "ذرّة كـبــر"!

يكفي أقول بخـيــر// لـو ما نـي بخـيـر
عنّي أعـــز النــاس ،، لا علـــم وخـبـر

أحيان أثور وأحتـرق .. وأزفـر عـبـيـر
ويا مـا رويـت أذواق و"شعـابي" غــبر

ويا كـم ثمـلت وكـنـت // للأفكـار زيــر
لكـنّي ,, بـوقـــت الشـــدايـد (هِــزبر)

تدرون منهـو اللي يخـلّـد بالأخـيـــر ؟؟
اللي نحـت آثـار رجـــلـه // لا عــبــر

لو إن كــل إنـسـان يـؤمن بـ/ المصـيـر
كان المسيء إن مــرّ به نعش اعـتبر !!

يا أخـي تـرا ملّيت أكون انسـان غــيـر
في مجـتـمـع تحـتـاج أركـانـه جـــبـــر

في وقـت "تـاج المـلك" يلـبسه الصغير
ما يمــلـك إلا التـــاج .. لكــنّـه كـبـر!

والـرابح الأكـبـر بهـا الحـيّ الفـقــيــر
واحد يبـيـع الخـبـز في ســوق التـبـر!







.. بن وهقه ..