جسمي مثل بغداد من بعد صدام

[خليفة الصائغ]

ضيجة شعوري وصلت حد الاجرام
اما تجيبي القلب و لا تجيني

ودي انفذ فالعشق حكم الاعدام
أو خل عينك بس تطالع ف عيني

من كثر ما عايش ترى حلم واوهام
صارت يديني ما تصافح يديني

معذور لاني من عرفتك لي اعوام
والحب ثابت ما تحرك سجيني

شبهت نفسي مثل اوضاع الاهرام
وسط الصحاري في مصر من سنيني

وش عاد يفرق بين اريام واحلام
وضحكت حليمه مع هوى الياسميني

دام الشعر لاحساسنا صار هندام
بنسج قصيدي وانسكب لك حنيني

حد الثماله الشوق ورغامك ارغام
يا سيدة هذا الزمن اسعفيني

ما باقي في صدري نفس منذ ايام
إن ما تبيني قولي بس ما تبيني

وإن كان هذا فراق للصالح العام
ما تدري إن العام وأنا حزيني

جسمي مثل بغداد من بعد صدام
جيش المشاعر داخلي محتويني