نجم وقوافل

[مختار السلامي]

عودة محبة الى هذا الصرح الجميل و الانيق والى كل الاوفياء سلام الله عليكم




طاح الكلام ولا درينا عن الريح
في ليل يسبح فيه نجم وقوافل

وتمرنا الذكرى يدين وتلاويح
وتغيب شمس وموقد النار حافل

شفت الرماد يفز ويطير ويطيح
مثل العيون وجمرة الطيش تافل

ضج المكان ولا عقدنا المراجيح
فوق الغصون ولا عقدنا النوافل

يا (صاحبي) لا تنام شب المصابيح
الليل عنا يا اصدق الناس غافل

واللي بقى في حضرة العمر والشيح
نفس الذي في كتمة الصدر جافل

رد الكلام و (صاحبي) ينهم الريح
والليل طاح وطاح نجم وقوافل

[ذكرى]

والليل طاح...وطاح نجم وقوافل..
وقفة صمت امام هذا الجمال...دام القك أيها الشاعر القدير

[نرجسية]

واللي بقى في حضرة العمر والشيح
نفس الذي في كتمة الصدر جافل




أبدعت مختار ، انت شاعر جميل

كل التحايا