تحبّيني ؟!

[المختلف]

ورقة قديمة .. لا زالت تسكن ذكرياتي

وكسّرتي زجاجة عطر .. ومراية .. وساعة حائط قديمه ..

........................... ونثّرتي دموعك لين بلّيتي فراش النوم والسّجاد

ولعوزتي براءة داخلك فجأة وخربطتي تقاسيمه ..

........................... وهددتي وتوعّدتي .. وسوّيتي سوايا تعكس الأحقاد

وأشعلتي حوالينك سكون ٍ خانت عيوني تصاميمه ..

........................... وبديتي تجمعي عطرك / بقايا زجاجه المنثور في السجّاد

حسافة .. ما صرخ عطرك !
تلاشى .. بس ما خانك !

ولا نمتي !!
وصمتك ينطِق الساعة /
بقايا من عقاربها
تلمّ الوقت في يدينك وتسرق لك ثواني عِطر
.............................. وتجمع من ضيا نجمة ـ بقايا مرايتك ـ مصباح

وياخذك التعب فجأة ..
ويحضن جسمك المتعب فراش النوم والسجّاد
ويصحى لك حلم ضايع .. يكابر لعبة الأقدار
ينسّي الذاكره لحظة كلام اللي حوالينك ..

وأنا جنبك هجرني النوم
............ يخاف إن نمت ما أصحى !

تحبّيني ؟!
تمنّي اللي أنا ويّاك نسعى له