أيا مرسى الأمل

[الصمت المكابر]

أيا مرسى ارتمى عمري على صدره هزيل
بعد رحلة عنا ريح الأسى أدمت شواطيها

أيا مرسى شمس شطه تلوحلي بهذا الليل
تبي تصهر شموع لحزن في صدري وتطفيها

لك الاحساس خاضع امتنان وشاكر(ن)بالحيل
يللي ماشراتك شلني صحرا يأس وانبت أراضيها

أنا رحلة ألم ...فيها الجروح ونزفها بالكيل
وجيتك يالملاذأبغي تضمد دنيتي وجراح ماضيها

ياما ذرف قلبي أساه وحرته ذرف(ن) يهد لْحيل
ويطوي صمود الروح ... يهدم أمانيها

وآعيش آهاتي ...رحى تطحن سكون الليل
وتسقي ظلمتي نوح(ن) لْجل تسكر دياجيها

على رمل لْعرا وسط لْفلا ترجف حياتي ويل
أيا مرساي ...جيتك متعبهْ ...وهذي الروح دفيها

اغسل حياة الأمس من يومي ... غسيل السيل
واجْرف غثاء الحزن من دنياي... طهر روابيها

أيا مرساي يا أجمل أمل يطوق خافقي اكليل
أنا بلياك ما أقدر أعيش ودنيتي صحرا ضواحيها

يكيف آشوف اذا شمسي توارت في ظلام ابْليل
كذا بلياك يا شمسي حياتي مظلمهْ محد(ن)يضويها

(تقبلوا نصيَ المتواضع ... ولا تحرموني من نقدكم البناء)