تعال أبكي على صدرك...... .

[سُعاد العلوي.]

{تعال أبكي على صدرك أجامل لوعة الحرمان
وأطفي بك لهيبن بات من حره يذَوبني..

أنا حبيت مو ذنبي وإذا ذنبي أنا غلطان؟!
رجيتك بس تعذرني،أكيد إنك بتعذرني..

تعال..نرجع الضحكة وننسى جملة الأحزان..
تعال نكابر الرغبه قبل لاهي تكابرني..

ونكبر كل يوم أكثر نترجم حلمنا الولهان
على فرحن رحل بدري رجيته لو بينطرني..

أنا قلبي عشق نبضك.. ونبضك ماكفاه..وخان
كذا ذنبي..من الدنيا بظل أبكيك- تسمعني؟

شرب دمعي جفن عيني- ومن حالي غرجت أجفان..
وأنا باقي على طبعي -أحبك- لاتعذبني..

تعال إطفي جمر شوقي- بقربك كل جرحن هان..
تعال نعيش هاللحظه صغار-كبار-ميهمني..

أبي منك إذا باجي حنان ف قلبك العشقان
تعيش الحاضر وتنسى ترا ماضيك يجرحني..

تصفي كل حساباتك بعدها عيش بإطمئنان
عشان الرب-وأحبابك- عشاني لاتعذبني}