تغذيات RSS
|
02-26-2011 09:29 PM
الشعر الشعبي :شوارع للشاعر إبراهيم بني عرابة
ضاقت اسوارك مكاني وجيت لعيونك موادع
ما بغيت اكتم شعوري والدمع أكبر دليل
شفت حزنك من عيونك سال حبره ثُمْ تسارع
ما يبيني أنتبهله لجْل ما أرحل ذليل
تكتم الحزن بحشاها وتفضح العين المدامع
ما كفاها من وفاها تسهر الليل الطويل
مانيِ بْـ لايم عيونك والغلا فـ الجوف قابع
بس تسامحني عيونك ما عن الفرقة بديل
قلت لي راجع قرارك والهجر عنه تراجع
واكسرت مرجاك دمعة كانت بجوفي تسيل
قلت لك ما عاد حظنك فيه لعيوني مضاجع
ضاقت سكيكك بروحي وجالها وقت الرحيل
وانتظرتك لين تغفى ثم تركتك دون اوادع
شلت يدّي عن يدينك والدمع عيني تهيل
شفت قلبي من مكانه إنتزع من دون رادع
بسّ خنتك واعترفلك لو بيدّي مستحيل
ذا أنا عنك بعيد وْ وحشة الغربة أصارع
والضياع اللّي اكتساني شبّع الجسم النحيل
بعْد غلّفني حنانك صرت تحظنّي الشوارع
حظنها لي ظمّني حيرة صباح وصمت ليل
صرت ادوّر عن كياني والتهمها طفل جايع
لين شبّعني الضياع وما بقى بالحيل حيل
شفتها روحي كفنها تنسجه ودمّ الأصابع
ضاع لونه عالكفن لي صار بدماها ثقيل
راحتي صامت بموت وما تفطّرها مدافع
تنتظر صوته أذان(ن) يرسم خطوط السبيل
إلحبيب اللي رماني في سكيكك قلب ضايع
بعْد ربّيته فـْـ حظني عافني وخان الجميل
ظامي(ن) والشوق بلّل شفّـتيني سمّ لاذع
شفت طيفه في دروبي يجمع الشوك ويشيل
شفت قلبي مدّ يدّه مرتجي حظنه وطامع
في وداده لي يداوي علّة الجسم الهزيل
بسّ وينه حتى طيفه ما غدى للحب طايع
مع بديلي صار عايش يوم ما له أي بديل
صرت ميّت بعد هجره في دروب الهم ناجع
ما بقى إحساس فيني لجل ألقاله مثيل
عفت من بعده سكيك(ن) عاشت بقلبي مواجع
تايه بدرب الأماني والجرح نزفه يسيل
أيه خنتك يا مكاني وصعب خطواتي أراجع
ما بقالي شيّ لجله أرجع وأبكي ذليل
ليه أبكي يا تراني والبكا ما عاد نافع
تعصر عيوني حزِنها وْ تسهر الليل الطويل
ذا أنا ونامت بحظني غربتي وقوتي مدامع
والحزن ملح الرغيف برحلة العمر الرذيل
ما أظنْ يظلم كيانك والحنايا ما تدافع
عالأقل لو ما تكابر.. حرّة دموعك تزيل
ولا ّ انا نصفي وكلّي للأسى والحزن خاضع
تحفر ترابي يديني والأنا ضدّي تميل
يا ترى لنّي أحبه أو هجرته دون اوادع !!
خلْ تجاوبني الشوارع.. دمْع صبْح وصمْت ليل
خدمات المحتوى
|
تقييم
|
|
الرئيسية
المقالات
الأخبار
الشعر الشعبي :شوارع للشاعر إبراهيم بني عرابة
0 | 
0 | 
297