خـــسارة أنـــفث أحـــزانـــي عــلى جــروحــي
بـترجـع هـالـجروح جـداد ، ونا بتعيش أحزاني
عـجزت أستوعب العلة ، عجزت أصلا أغطيها
ويــذبـح هـالـظمـا قـلبـي ويـهدم بـاقـي أركـانـي
ومـاتـت في قبر صدري مشاعر كنت انا أخفيها
وعـاشـت مـن بنات اليأس صبية تعزف ألحاني
ذبـحت بـخنـجر الـغيـبة عـيونـي ، وكنت أمنيها
تـجي فـي يـوم وتـشوفـك ، حـبيبي بس علشاني
أنا افتح صفحة الفرحة .. تجي أنته وتطويها ؟!
عــليــك الله تـشوف الـهم أبـد مـا يـوم يـنسـانـي
أمـني نـفسـي بـقولـي : ( مـثل ما جاني بيجيها )
وهــذا حــظي الــقاســي يــزيــد بــلة أطــيانـي
أنـا الـلي مـا ارتـوت مـني المصايب قبل ألاقيها
أجـل وشـلون هـالـساعة بـتتـركـني وتجفاني ؟!
حــبيــبي قــلت لــك مـرة أنـا دمـعاتـك أشـريـها
أجل وش فيك ترميها على غيري ونا أعاني ؟!
تــنام بــكف هــالــغربــه ... فـتاتـك مـا يـكفـيهـا
بـعدمـا كـنت لـي مثل الوضوء يغسل أدراني !!
تـرا مـا بـينـي وبـينـك سـوى شـعره وقـطعـتيها
وذاب الـهم فـي كاس العمر .. مع نفسي أشقاني
وجـيت أشـحت لـجل نفسي قبر ضيقة وأواريها
وحـبك يـلعـب بـصدري .. تـناثر وسط شرياني
غـريـبة .. كـيف يـكسرني الغياب ومهجتي فيها
سـكن حـتى الـعذاب اللي يحبني مثل اخواني !!
تـهب رياح من " حزن المشاعر " واكسر يديها
تـموت رمـاح فـي هـذا الجسد .. وتشب نيراني
وتـغرز فـي يـدي نـاب الـفراق .. وبـات يـدميها
ونـا الـلي مـا بـقى مـني سـوى نـعشـي وأكـفاني
أبــرحـل لـجل مـا ألـقى عـيونـك ، لا عـدمـتيـها
بـدوَر شـخص يـفهـمنـي وبـعيش الحلم من ثاني
أبـرمـي مـع " قـماط الحب " مشاعر ما فهمتيها
أبــكســر هــيبـتك يـالـلي تـشابـه هـيبة الـجانـي
ويـمكـن يـرجـع لـذيـك الـزوايـا الـلي هـمل فيها
ولــكن مــا بــيلــقاهـا ... وأنـا مـا راح يـلقـانـي
