جـمال الـفقـر مـا هـو عيب لكن عيبنا نكذب

نحاول نخفي خيوط الحقيقة عن عيون الناس

تـعلـمنـا نـجامـل بعضنا .. ماي الحيا يُسكب

وأصلاً هـالـحيـا مـنا تـبرى .. فاقدين إحساس

تـعودنـا تـجاهـل نـقصـنا فـي كـل مـا نـكتب

ويـكبـر نقصنا وإحنا نتجاهل لين فاض الكاس

يـمر الـعمـر ووصـال الأقـارب بـيننا يصعب

ونـتحـاسـد وفـعل الـخيـر فـينا بالرجل ينداس

أشوف الشعر يخذلني إذا ف الذاكرة يصلب

وأنـفاسـه تـموت بـصمـت لما تقرع الأجراس

إذا صـدرك جحيمك وين عنه يا ترا المهرب

إذا قـلبـك خصيمك كيف تطلب ما يجيك الباس

بـيوت الـفقـر تـكتـبنـي وانـا لـلفـقر ما اكتب

مـخافة يـعرفوا عني وأصغر في عيون الناس