هان الغلا واللي جرى ، ماهو ترى أمر(ن) قليل
والعين لامنها بكت ، تنـــــــــــــــــزف جميع أسبابها
ربــي جعل شرع الهوى ، مابيـن قاتل أو قتيل
حكمه سرت بين البشر ، ربـــــــــــــي ترى أدرابها
جيت الغبـي اللي تبع وجــه السراب المستحيل
فيه إنولد حب العنــــــــــــــــود اللـــي كساه إعجابها
له زيّنت إحساسها ، ليــن إعتنق حلم(ن) جميل
حلم(ن) خذه مثــــــــــــل الرضيع اللي غفى فـ أهدابها
والمشكله حلمه كبر مـــــابين أوهام ودليل
ولمّا صحى ، صحصح على جرح(ن) نزف فـ غيابها
راحت كذا ، حتــى الوداع إستكثرته والرحيل
لخبـــــط مفاهيـــــــم الوفــــــا فــــي مدرســــة أحبابها
راحت وخلّت هـ الغلا مجروح والخافــــق عليل
راحت وسدّت للأسف فــــــــــــــــــــي وجه قلبي بابها
جازت شعوري بالجفـــا والصد ونكران الجميل
فجأه تخلّت عـــــــــــــــــــــــن غلاي وكشّرت أنيابها
في هـ الزمن صار الوفا حاله مثل حــال البخيل
حتى القلوب اللي وفت ، خانت شعـــــــــــور أصحابها
بنت(ن)خذتني للوهم في درب أوجاع(ن) طويل
بين الأماني والسراب ، أشكــــــــــــــي برود أعصابها
لا قلت آسف ببتعد ، قالت "أنـــا مابــــــي بديل"
ياتذبح القلب وتـــــــــــــــــــــروح ، أو طيبتك أحيابها
وجيت الغبـــي اللي تبع وجه السراب المستحيل
فيه إنولد حب العنود اللـــــــــــــــــــــي كساه إعجابها
والمشكله حلمه كبر مــــــابين أوهام ودليل
لين إكتشف إنه صحى ، علـــــــــــــــــى عذاب غيابها
