يقولون الكذب خيبه، وأنا مــــاني ترى كذّاب
أنا لاقلت بك مغرم، تأكد إنــــــــي بك مغرم
كذا لله في لله أحبك موووت، ودون أسبـاب
ودوم الآدمي رزقه، يجي مــن حيث لايعلم
حبيبي ليش متضايق وقلبك خايف ومرتاب؟!
فديتك ريّح أعصابك، ولاتشقــــــــى ولاتهتم
أبد لايزعجك حولي، حبيبي كثـــرت الأصحاب
أنا مايشغل إحساسي، ولا واحد أبــــد منهم
أنا أدري خوافقهم تذوب بحضــــرتي إعجاب
وأدري بس يتمنّوا، تخيّل لـــــــــــــو أكلّمهم
أنا ماني ترى عاشق جديد بعالــــم الأحباب
أنا خايض بحور العشق، ومتمـــرس ومتعلم
أحب الصدق وأعمل به، وفيّ(ن) والوفا غلاّب
أجود بمقلتي للي جرى بالقلب مجــرى الدم
أنا لامن هويت إنسان، أشيله داخـل الأهداب
يكون الواقع بدنياي، وحلمي لا بديــــت أحلم
حبيبي لاتعذّبني، وتفتح للألــــــــــــــم أبواب
دخيلك إرحم إحساسك، ولاتبكي وتتألــــــــم
تعال إرتاح من همك،،تعـــــــــال بطبعك الجذّاب
وسولف لي عن أخبارك، وغنّي لي وخلّي الهم
أبي تحكي..أبي تفرح..أبي تضحك ولاتــــرتاب
ترى كل العفيه لــــــــــو ضحك محبوبي تترنم
هذاك اللي جماله غير وحسنه يسلب الألباب
يعذّبني إذا عدّا علّي طايــــــــــــــف ولاسلّم
صغير السن ويتغلّى، وغرّبلني وراسي شاب
تعبني بالدلال اللــــــي غدى لامر ولاسمسم
يشكك في غرامي له...يأثر بـه حكي الأغراب
صغير السن جنني، ولايرضى أبــــــــــد يفهم
بأني شاعر(ن) عاشق..خبير بعالــــم الأحباب
أجود بمقلتي للي جرى بالقلب مجــــرى الدم
وإني لاهويت إنسان، أحطّه داخل الأهـــــداب
يكون الواقع بدنياي، وحلمي لا بـــــديت أحلم
حبيبي ريّح أعصابك، أنا ماني تــــــــرى كذّاب
أنا لاقلت بك مغرم، تأكد إني بــــــــــــك مغرم
