يا أطهر جروح الغرام ، شكرا ً علـــــى آخر جروح
توني عرفت إن القلوب ، ماهي سوى لعبة غرام
لو كان عندك لي عذر، قـــــــــــوله وخلّيني أروح
أو تدري يا أقسى ألم ، إرحمني مـــن هدر الكلام
وفّر على نفسك عذاب هــــــــم الملامه والشروح
ولو كان هجري يجرحك ، آسف كثـــــــر ذل الهيام
إرحل وحل المشكله والمشكله مــــــــــابي أبوح
أخشى إذا هاج الشعور ، ماتحتمل منـــــي الملام
مالي سوى هجرك أمل ، مابي سوى بعدك طموح
وشلون يجمعنا الهوى ، دام المشاعر فــي خصام
مايجتمع كذب الشعور ، مع رقـــــــة أزهار الوضوح
والنور يطرد لاظهر من هـ المدى كــــــــــــل الظلام
دع مامضى يمضي ولاتطري لـــــي فـ الجد المزوح
الجد وقت(ن) للجراح وللرمــــــــــــــــــاح وللحسام
قل ماتريد وإرحل وخل كل المشاعر بــــــــــك تنوح
مهما تقول كل الحلول طارت مثل ســـــــرب الحمام
يعني بكيت ولاّ شكيت أو ماتت بقلبـــــــــــك فروح
"أحمد" نسى جرحك ورد الجرح لك هجــــــــر وسلام
حتى السلام ، لولا الملام ولولا سخط رب(ن) سموح
بستكثره..قلته كره..ماأنكره وســـــــــــــــــط الأنام
إيه إختلفنا بالعطا ، لين إتفقنــــــــــــــــــا فـ الجروح
واليوم يومك يافراق والليل للدمعــــــــــــــــــــه لثام
ولو كان عندك لي عذر ، قولـــــــــــه وخلّيني أروح
أو تدري يا أقسى ألم ، ماعاد ينفعنـــــــــــــا الكلام
