لو ذبحني اليوم حبك..بــــــس تذكّر شيّ واحد
عشت أحبك طول عمري..ومـت يالغالي أحبك
الجسد يفنى ولكن..يبقــــــــى نبض الحب خالد
وإن توقّف نبض قلبي..ماتــــــوقّف نبض حبك
أدري إني في حياتك يـــــــــــاحبيبي أيّ واحد
مرّ في دنيا غرامك ومـــــــاوصل لحدود قلبك
إيه أحبك وإنته تــــــدري والدمع بالعين شاهد
إيه تدري ومــــــــــــــاتبالي..بس خليتك لربك
إجرح إحساسي وكـــــابر..وإلعب بقلبي وعاند
مايهمك دام قلبي للأسف بـــــــــــــــاقي يحبك
نار حبك تشتعل بــــــــي وقلبك إنته حيل بارد
مايحس بنار قلبن ضاع مـــــــــــــابينك وحبك
يسألوني ليش أحبك؟؟..قلت مــدري..بس وايد
يكفي إنــــي أنسى نفس وأنسى كل الدنيا قربك
لو أشوفك فــــــــي هدوءك تبتسم مرتاح جاعد
يبتسم بين الحنايا خافقن يرتــــــــــــــاح جنبك
تدري إني من عرفتك..سارح بفكـــري وشارد
بس أفكّر فيك إنته ومنشغل هــــــالبال بس بك
وإنته ماهمك شعوري..كلمـــــــــا جيتك تباعد
ياترى ذنبي أحبك..وإلا حبي صــــار ذنبك؟!
المهم..لو متّ منك بس تذكّر شيّ واحـــــــــد
عشت أحبك طول عمري..ومتّ يالغالي أحبك
