أحمد العلوي
يا مترفه زين وجمال ، المـــــــــعذره ودي أقول
هذا الجمال المترف..الـــــعذب..الرقيق..اليوسفي
كيف العيون تناظره ، من غير إعجــاب وذهول
والله من شفتك وأنا ، عايش ف حلــم(ن) عاطفي
كن الحلا في وجنتك ، متجمّع بـ أربــــــع فصول
شفتك وأربكني حلاك ، وشلـــــــــون أبرر موقفي
حتى الحكي من رقتك ، أصبح مثل طبعك خجول
ياما ترجّيت الكلام ، وياما عصتنــــــــــي أحرفي
وين الغزل ، والأغنيات ، وين الحكـي وين الحلول
من قبل لا تترك شفاي ، صارت حروفـــي تختفي
يابنت أنا صوري تـــــرى ، بالحيل يذبحني الفضول
في بالي أرهقني سؤال ، ليـــــــــت الإجابه بالنفي
هل يا ترى هـ الورده اللي حيّرت كــــــــل العقول
مرتبطه أو في قلبها يسكن غلا حـــــــب(ن) خفي
قولي دخيلك ما أبي صمتك علـــــى صبري يطول
لو كان ردك لي نعم ، قولـــــــــــــــي ولا تتأسفي
أمّا إذا قلبك خلي ، إعطيني لـــــــــــــه أذن الدخول
ودّي أعيش بداخله ، وأصير لـــــــــــه عاشق وفي
يامترفه المعذره ، ماعدت عارف ويـــــــــش أقول
والله من شفتك وأنا ، عايش ف حلم(ن) عـــــاطفي
