 |
قسم متنوع
لبن مسكوب |
|---|
لبن مسكوب
وتحظنين الجرح
تنادي للمسا والصبح
وانا ادري تعبك الجرح
حظنتي مابقى مني
تركتي صورتك عندي
تعالي وانزفيني جرح
يموت الجرح لو ينزف
ولاتبكي
ولاتشكي
وش اللي باقيٍ مني
ومن يدري خبر عني
كذا حنّا بنبْكي واللبن مسكوب
...............وَلا نعقل يعشْعش جرْحنا فينا
نموت مْن القهَر نبني جدار بطوب
..................يصير جدارنا قاتل امانينا
نقول إنّا كذا نوفي لبعض بــ اسلوب
.................يضيع العمْر ما نلقى مواسينا
بنبْحر في عتيم الليل هو مكتوب
................نسافر ما ترَجّعْنا موانينا
وتبْكي
والبكا يتعب
دموعك قاربت تنضب
هنا انتي هزَمك الهم
وصرتي للحزن صوره
وميعاد الفرح مسكين
رحل عنك فلاتبكين
ومن غيرك هنا تدرين
يحاصرنا الوجع نلبس طعونه ثوب
.......................نبي نهْرًب وخانتْنا خطاوينا
نسولف للفجَر قصة غدَر عرقوب
......................ونحكي للشّجَر عنْ جرْح ماضينا
إذا شلتي بقايا دفتري مره
تلاقي في الورق صوره
على آخر سطر عندك
ثلاث حروف محفوره
ونادي للقمر والليل
بتلقيني معا صوتك
وتدري بالغلط وحدك
فلا كلمه ولاتعليق
ولا كذبه ولاتلفيق
حظنّا الجرح يا(مريم) قهَر وذْنوب
...............اسَف هذا جرى مابينا إيادينا
وقفْنا وقْفة الشَّامخ وهو مصْلوب
......................نرَتّل بالدّعا يارب تنَجّينا
وترْحمْنا إذا ما ارتكبنا ذنوب
....................ترى وحدك تموّتنا وتحّيينا
بكينا والتعب يتعب وهو متعوب
...................وحنّا ماتعَبنا الهَجْر يكْوينا
وانا ادري بعد بكره
تصيري في ثياب العرس
وانا ادري بعد بكره
بعانق مابقى منك
وبحظن جرحك النازف
واظل انزف
وانا انزف
واظل اكتب
فمان الغدر والطعنه
فمان الجرح يامريم
بشيع حبنا بكره
وبكتب للزمن قصه
وسميها على ذوقك
انا بكتب بلا عنوان
فقط با قول يامريم
فمان الغدر والطعنه
تبهّلنا توَسَمنا صبَر ايوب
...................صبَرْنا والصَبَر ما عاد يكْفينا
فلا داعي بعد نبكي لبن مسكوب
................... انا ما اقول غير الله يشْفينا
|
|
|
| | |
