فخ تأخيرك
ياعيون من الجفاف
من طلب من غيمة وْصالك نفاف ؟؟
ماذكرتي والامل طفل ٍ غرير
مر في عيني ضرير
ياعظيمه
تذكرين ؟؟!!
كنت اهدْهد لك من احْلام الزمان
وكنت أغني لك
( كتبت اسمك على صوتي
كتبته في جدار الوقت)
ليتك تذكرين
وتسألي كل الليالي
من رمى بالطوب
شباكك وراح ؟؟!!
ارجم الذكرى غيابك وانـْتعل حلمي واسافر
يمكن الليله تجيبك في عيوني الذكريات
لين مايرجع حنيني واكتبك [جرحين] باكر
وارجع انـْسى باب حلمي واتركه للسافيات
من كسا ارض الجفا ثوب السواد ؟!
ومن شعل في الذاكرة
وجهك بلاد ؟ !!
علميني
كيف أقرع موعدك
قبل الرحيل ؟؟
يمْكن إنِّي اسْمع لحزني هديل
أو اطيح بـْفخَّ تاخيرك
واضيع !!
ماوصلتي قد تأخْرتي كثير
يمكن اني جيت والساعه غلط
كنت أكتب لك إلى السطر الاخير
وكنْت اشكـِّل لك من جْروحي نمط
يا [وفا] والليل بعْيوني ضرير
جيت اقوده واعبر لـْجرحي عبَط
كان مشواري جريح
ومحجر عيوني ضريح
وْبالمسا
تتناوح الريح
والشتا قد شرَّع ابوابه
وانا البردان
في موقد جراحي
احتضر واطلب سراحي
للضريح
للضريح !!
يمكن انه لو غدى عظمي رميم
تبقى روح الشعر في وجه العتيم
او يجي لي شخْص وافي
يذكر انِّي كنْت شاعر
وْكل ذنـْبي
كنت كافر
ترجع بْلادي
إلى المجد القديم !!!
|
