لايموت العيد

حبيبي لايموت العيد
تعال لخاطري ارجوك
ترى دونك كرهت العيد
ولا له طعم بالمره

يـجيـنا الـعيـد مـا لـه طـعْم يـاعمري      وانـا وحدي اموت واحْترق مشتاق

أبـوس الـحزْن مـن ْ راسه ولاتدري      .إذا ظـلِّ الـحزِنْ فـي داخل الاعماق

يَعــذِّبْ فــي جــسد اواه يــاصـبْرِي      إذا مـا عـاد لـي قـوه عـلى الاحداق

أوقِّف نــزْفــها تــعْبــت كـذا تـجري      حـزيـن الـدَّمْع مـا بـطَّلْ ابـد يـنْساق

إذا باكر حضرت وجيت
ترى عيدي معك يبدا
واشواقي بترقص لك

ومـرَّ الـعيـد يـا (مـريـم) ذبل زهري      ترى هذا الفضا في داخلي قد ضاق

هنا شوفي الحزن نايم على صدري      هـنا مـات الـحلَمْ مشْنوق م الاعناق

وراح العيد
ياغايب معك
ولا باقي لنا شي عيد
ملامح وجهك اللي غاب
خذت مني شعور العيد
ولاتدري حبيبي
كم سنه مرت ؟؟
على هالحال
ومن كم عام ؟؟
قلبي مانسى وجهك
ولاحتى نسى ذكرك
حبيبي
كيف تنساني ؟؟؟
( ولاحتى بطاقه عيد)

يــتيــم الــعيــد يــا امِّ الــفرَح مـرِّي      تـرى قـلبـي مـن الضِّيقه أبدْ ما فاق

وربِّي مـابـقى عـندي سوى شعري      أغـنِّي به حزِن .. ذا العيد ما ينطاق