وريث الشعر فيني

رحـل (هـزاع) وطـارت مـعه أسـرابي      وجـــا كــل الــقصــيد يــحن .. واعــزاه

حــبيــبي _ جـعلـها مـاتـفتـح أبـوابـي      ســوى لــعيـونـك الـلي تـحتـشمـني جـاه

وربــي / كــلهــم قــدامــي أصــحابـي      يـجونـي الـيوم ( يـاخـالي ) متى نلقاه !!

سـراجـي انـطف _ والـعتمة بمحرابي      وجـــرحٍ دامـــلٍ والـــلي بــقى بــي تــاه

عـسى مـالـوم نـفسـي لـوطرى غيابي      ولا اســامـح خـطاي إن جـاز لـي أنـساه

( وريث الشعر ) فيني/ وأقرب أقرابي      صدقت إن قلت : ( أعظم ماوهبني الله )

رحـيلـك _ أقـسم بـربـي _ كـسر نابي      و ( عــرى سـوأتـي ) قـدامـهم/ أووواه

كــثر مــاهــالــوجــود يــضم أحـبابـي      كـــثر مـــايـــملأ فـــراقــه حــدود الآاااه

مــصيــبة تــركــت الــحزن يــنخـابـي      والأصـعب لـو خـذت نـفسـي عـلى فرقاه

يـهون الـشعـر _ والأوراق _ وكتابي      ولـــكن .. مــاتــهون مــرايــته وخــطاه

حـبيـبي _ والـضبـاب يـجرح أهـدابـي      يــمر بـداخـلي .. ( جـعل الـهنـا مـثواه )

فـمان الـلي نـقش هـالـحلـم فـي بـابـي      وجـا _ وبـكل حـق _ وشـاله _ وأخفاه

فـــمان الله يـــاأول وآخـــر أحـــبابــي      تــقدمــني .. مـصيـري هـالـطريـق ألـقاه