تـجي.. يا سيدي تعصف بروق وترسل افواجك
تـجي ويتساقط بعين الغضب.. تفاحك وتينك
وتـرقـل هـزتـك ب (الرختر) وتثقل من ازعاجك
وتـرفع هامتك، وبكل ثقة.. تغرس سكاكينك
أنــا يــا ســيدي مــانــي مــقيــد حـده سـياجـك
ولانـي واحـد مـن الـلي يبون الرزق بيدينك
ولانـي مـن رداة الـحظ، جـيتـك أطـلب افـراجـك
أو اتـسكـر بـعيـني كـل شـي شـفتـه بـعيـنك
ولانــي يــا بــعد عــمري مــعاذيـري بـأدراجـك
تـرى مـهما كبرت (بذمتك) طينك أهو طينك
وانــا يـا سـيدي مـا غـرنـي تـشكـيلـك وعـاجـك
ولا دق الـفقـر فـي عـزتـي مـسمار تكوينك
ولا نـي جـيت أكـنس فـي صـناديـقك وأبـراجـك
أو استنشق هواك ورقتك وامشي بقوانينك
ولانـي يـوم ضـيعـت الـطريق أرشدني اسراجك
أنـا ربـي دلـيلـي.. يـا عديم الذوق.. يا زينك
وانـا.. خـابـت ظـنونـك.. كان جيت تعم منهاجك
أنـا لـي مـنهجي واللي خذوه اقرب محبينك
تجي (تتلون) وتبحث عن اللي يسبب احراجك!!
ولـك عـذرك مـدام انك تجي تطرد شياطينك
