الســــــــــــــاحة
 
مـع صكة الباب ، قل لي وش هي أخبارك      وآخـر قصايدك/ والأحباب/ والساحه !!

تـــعال أبـــشّرك .. قـــبل يـــهدّم جــدارك      قــبل الــشعـر يـاخـذ بـمجـراه لـنيـاحـه

أكــيد ذا جــارك الــلي هــو _ نـعم جـارك      مـا يـدري أنـك لـباب الـشعـر مـفتـاحـه

تــدري !! لأنــك حــرقـت بـطيـبك أوتـارك      وأوقــدت نــار الــشقــا بـعيـون ذبّاحـه

تـــدري !! لأنـــك فـــقيــر ومــاحــدٍ زارك      وسلاحـك الـحبـر ، والإبـداع ، ورياحه

تــدري !! لأنــك قـبيـح، وشـانـت أعـذارك      مـا خـبروك أن شمس القبح فضّاحه !!

تــدري !! لأنــك كـتبـت الـشعـر بـاسـفارك      هــذا يــعيـبك .. لأنـك تـمضـغ جـراحـه

تــدري !! لأنــك ســخي مــاجـفّت أنـهارك      تــوقــف بـوجـه الـذي غـرّتـه أفـراحـه

تــدري !! لأنــك فــتحــت الــنور لــديـارك      مـن قال لك تعطي المدفون مصباحه !!

تـدري !! لأنـك رجـل يـااااامـكثـر أضرارك      لـو كـنت أنـثى .. جـميع الناس مرتاحه

تدري !! عساك البلا .. يعني تبا تشارك !!      مــاتـدري أنـك عـقابٍ فـاقـد جـناحـه !!

تــدري !! لـو أنـك لـثمـت بـفوهـتك/ نـارك      وخـلّيـت بـعض الـقصيد يمر بالراحه ..

كــان أنــت سـيّد عـلى الـباقـين بـأسـعارك      مـنهـو يـتجـرّأ يـأشّر فـيك بـسلاحـه !!

لا تـصاحـب سـعود أو سـلطـان ، ومبارك      صـاحـب ثـريّا ، أميرة ، شوق ، تفّاحه

تــلقى قـصيـدك يـحلّق فـوق / يـتعـارك ..      مــع قـمّة الـشهـرة ، والأقلام سـفّاحـه

وإن كـنت تـكتـب لأجـل خـاطـرك أشـعارك      هـزّت مـشاهدك غيمة حزن مجتاحه ..

إنـزف مـشاعـرك , وإعـلن قـمّة إصـرارك      في نزف بوح القصيد ، وضمّد جراحه

تـدري !! مـتى مـا بـغيـت الـدار تـتبارك ..      أكــتب / وفـيك الـشعـر تـزداد أربـاحـه

وأكــتب قــصيــدة _ وعـلّقـها بـمسـمارك      يــمكــن تلاقــي إشــارة عــين مـدّاحـه

وإبـــعث رســـالة تــبيــح بــكل أســرارك      لـلصـم / لـلبـكم / لـلعـميان / للساحه ..