لا لـــلسّفـــر لا لـــلبـــعُد لاتـــاخـــذيـــن الــتَّذْكِرَه

مـاقـلْت لـكْ خـلّك مـعِي وشْ فـايـدة هذا السّفَرْ

يــابــنْت لاْ تــبْكِي عــلى هــالــذّكْرَيــاتِ االـغابـرَه

بـعْضِ الـمَواجعْ تنْغرَسْ فينا كمَا غرْسِ الشّجَرْ

يــابــنْت مـنْ يـحْيـا وَهـو يـحْلَمْ حِلَمْ وش مـكْبـرَه

لابــدُّ مـا يـحْسـبْ حـسابـه لـلزّمَنْ لـو بَهْ غـدَرْ

وش حــيْلِتـي لامـنْ غـدَت يـدِّي قـصيـره مْخـدَّرَه

جـالـس أنـاظـر حَسْرتـي والْجـرْح ما خلَّى نظَرْ

جــات الــسَّحــابـه يـاعـساهـا يـاعـساهـا مـاطـرَه

وحْدِي مـوَكِّفْ لـي يـدَيْنـي أنْتـظَرْ قـطْرَة مـطَرْ

راح الـفجَر يـاشـمْس وش بـاقـي بـعَد فـالـذاكـرَه

غلْطان منْ يبْحَث عنَ الْقَطْرَه وسَط ْ نار وْجمرْ

بـعْضِي اكَلْ بـعْضـي وانـا مـا لي سوى هالْمحْبَرَه

اسْقـي مـداد الْجَرْح وانْ جـفَّ الْحِبَرْ دمِّي حبَرْ

يــزْرَعْ غــيابــك داخــلي شــجْرَةْ حـزِنْ مـتْجـبَّرَه

تــكْبَرْ ويَكْبَرْ شــوكَهـا حـتَّى طـعَنْ كـلَّ الـصَّبَرْ

دحْرَج غــيابـك فـرْحـتي وسْط الـرِّيـاح الْمُصْفـرَه

وادْمـي فؤادي عـمْرِي اللي ف انْتظارَكْ منْهدَرْ

يــابــنْت شـوفـيْ لـيْ تـجاعـيْد الـزَّمـنْ فـالْمـنْظَرَه

حــتَّى تــعَرْفــي مــا يـسَوِّيْه الْأسَى بـالْمـنْتـظَرْ

جــفَّتْ ورود الــشٌّوق فـي يـدِّك وكـانـتْ مـزْهـرَه

واضْحى نـخيـل الـرِّيـف يَبْكِي مـا طلَعْ منّه ثمَرْ

رتَّلْتْ انــا ذكْرى فــراقــك لــين صــارت حَنْجــرَه

تـصْرَخْ بـدونـي كـلَّ مـا ذكْرَكْ عـلى بالي خطَر

تـغْفِي جـفونـي مْن الـتَّعَبْ وسْط الـفيـافي المقْفرَه

غـافـي انـا وْتـرْسم ْ خدود الرمْل في خدِّي أثَرْ

يـاسـيَّدَةْ جـرْحِي الْقـديـم اخْذي ضـلوعـي منْجرَه

سـوي بـها بـرواز لـك يـوم الأمـل فـيها انْكسَرْ

مات الصَّبَرْ طاح الهوى.. قدْ صار ما كنْت احْذرَه

يــاخــافــقي لا مــالـقيـت الْلـي نـشدَّ بْه الـظَّهَرْ

لانــامــت الــشَّمْس الْحــزيــنه بــاكــيَهْ مــتْكـدَّرَه

وشْ عـاد باقي للنَّهار الْلي يدوَّرْ لَهْ بصَر شعر