 |
قسم متنوع
حرف ومدينة للمطر |
|---|
حرف ومدينة للمطر
لا ما لقيتك يا عيوني في المطر
وين المطر يغسل مداين من جراح
يسكن مداين في يدي
بعمري أنا ... بوقتي أنا
أواااة قلبي يحتضر
وصمتي يقول .. ما زلت إني أعشقك
وحلم السنين اللي اندثر
يبقى بعد ،، يقرأ مراية قصتك
يا جرح مالك أي قلوب بتسْعفك
يا دمع لو تشكي الحنين من يسْعفك
وهذا الحنين اللي بصدري ارتمى وأصبح كبير
مثل الجروح اللي بدت تشتاق للبلسم حضور
وأرجع أنا
أقلب أوراقي سفر
وأبعثر واراقي عطر
يمكن الاقي في الضياع وجه المطر
لأجل السنين اللي تلاشى بردها
لأجل الغياب اللي سكن قيثارتي
ذاك الغياب لمّا حرث هم الجراح
في وسط سكة حارتي
لعل ألقى لي تفاصيل الحضور ما بين وقتك يا المطر
تدري بعد اشتاق لك
أشتاق كل لحظه معك
لآجل الجراح
أنسى مداها بسكتي
تغسل بقايا خطوتي
يمكن ألاقي في السنين نبض ومطر !!
|
|
|
| | |
