جرح وذاكره (على لسان صديق)
كتب - أحمد البلوشي
فمان الله وعيونك تصك فوجهي الآمال
يا آخر حلم صليته الصباح وطاح من حيله
فمان الذكريات وضحكة ٍ تملي الدروب أطفال
وعمر ٍ كانت الدنيــا تغني بسامره ليلــــه
كأن اللي مضى مهره تنادي بصوتها خيـّـال
ولمّـا فزّت أحلام النوايا طاح من خيله
وأنادي ياشقى عمري// ترد اجْـبالها موال
علامه قلبك الوافي يموت بدمع منديله
يا ساقي هالصباح المترف الباكي عليْ وجال
من ألوان الربيع وزهرة ٍ في عقد إكليله
خمس أعوام ما نامت عيوني غير بالمثقال
كثر ما كانت اتصلي خيوط الوصل تدعيله
نعم كانت إذا تبعد تحطك فالغياب كحال
يذوب الليل من كثر الحنين وصاح .. وأشكيله
بدور اللي فرشتلها ضلوعي والهدب والحال
تجي من آخر حدود الحكايه.. تقتل الحيله
بدور وسالفة موت الحنايا والجروح ثقال
خنقتي النور في عز الظلام وطاح قنديله
حرام أطهر عشق يصحى على تلويحة الترحال
حرام يموت والليله شتا محتاج ترتيله
سفر حطم بقايا صورتك .. لا مابقت أغلال
يبس عذق الكلام ونخلته ما تقدر تشيله
فمان الله ياصور العفيه ووجهة الآمال
مدامك حلم صليته الصباح وطاح من حيله.
|
