شمس ومغيب
واقف // وسال الصبح من مقلة الضيْ
لييين انكسر .. والليل مخنوق فيني
سكر صباحي (حلم) من عانق الميْ
ذاااب .. وكأن الريح تلغي سنيني
هذاك راح وما بقى للمدى شيْ
غير الجراح اللي تشب .. وحنيني
هذاك مثل الموت فيني وأنا حيْ
وأنتي مثل برد الشتاء ... سامحيني
جيتي مثل شمس الرضا تشرب الفيْ
رحتي على صدر الغدر تكتبيني
هذا أنا
من يوم ما كنا نخيط الجرح
ونخون الوفا..
والشمس يحويها الشروق
يا وجه ما كنا سوى
نمشي .. سوى
على سلالم للجدي
نرقى ..نسامح ..نبتدي
حتى ولو يااااااه.. ننتهي
بس دايم ..
انـْـكون الوفي..
قصدي ..نخونك يا وفي.
هذي الحياة
نجمة تطييييح
شارع يموت
والبحر تنبت به بيوت
ماشي بقى
كل شي تغير فالحياة
صبح ٍ ونور
ليل و بدور
ما كانت إلا ... للغدر
حتى أنا ...
.
ما كنت اصدق حبّنا يشبه الحلم
لين اكتشفتك والحقيقة غريبة
ما اْريد أزيد وأكتبك بس للعلم
ما حد يسوي فعلتك في حبيبه!!
رحلة انتهت
والشمس قطـّـعها المغيب
والحلم من يصحى .. يغيب
باكر يجي
نكبر على أحلامنا ،، والذكريات
باكر يجي ..
(نلقى أجمل حلم مات)
(وانْ أجمل شي فينا الذكريات )
|
