ملتقى السوادي
لـقيـته والـتحـية بـالأيادي
وصـافـحنـي وطـاول فالتحية
نـشدتـه عـن علومه والبوادي
بـسّنة مـن هـلي ولـها وفـية
جـوابـه بـالنفي وافى مرادي
وجـوابـي لـه وفـالـه بالنفية
مـدامـه مـلتـقانـا فالسوادي
يــداومـنا حلاهـا فـالـلقـية
كـما راك الـمصـنعة باتحادي
بلاهـا مـوت زاده بـالـمنـية
مـشيـنا نـرتجي رب العبادي
يـعمـرهـا بـحفـظه لـلرعية
عـسى داري علاها في ازديادي
وعـسى ذكـري لها فوق البقية
تـوالـي هـرجـنا ما بإعتيادي
لـها ضـربـن عـلومه فالشكية
شـكاتـي لك يا سالم من معادي
بـعد مـا دلـني صـوب اللظية
عـشقته والعشق أصبح عتادي
وقـت مـا خضت فحروب(ن) عتية
سـهامـه بالصدر صابت فؤادي
رمـانـي بـالهوى رامي ضحية
أنــا ويــاه ود أكـبر ودادي
لـيا قـستـه مـدى مـاله مديّة
طـعت أمـره ولـو أني عنادي
كـذا طـعتـه عـلى بـالي وليّه
صرت حارس تحت أمرة ودادي
أشـوفـه مـار,أدي لـه تـحيّة
بـدأ يـجفـي وانا صوبه أنادي
بـصوتـي أزجـره وارجو مجيّه
وشـللـي غـيرك ما لاح بادي
وشـللـي سـيرك عـني جـفيّة
كـنت تـشتـاقني تكره بعادي
كـنت دونـي قمر بس دون ضيّه
وهـذا الـيوم خـلي ذا بـعادي
نـوى هـجري وخـاوى عاذليّه
نـسى عـهده وماله من مبادي
نـسى مـاضـيه وأيام(ن) زهيّة
يـبو مـتعـب خويك ذا يمادي
نـسى قـدرك وقـدره مب سويّة
مـتى سـاوى جبلنا أرض وادي
ومتى طالت على حاجب عنيّه ؟!
خـبرتك من هرج ناسك مشادي
فـطيـن(ن) مـاخفت ناسك عديّة
تـناظـرهـا غـبايـاهم وكادي
وتـعلـم مـن نوى كيدك خفيّة
كـذا مـن حـاكلك أمرن مكادي
مـحالـن يـوصـلك كيده رويّة
وهـذا الـيوم لاتـركـن بوادي
ولاتـأسى بـمن نـفسـه دنـيّة
مـسيـرك تنتشي بعد إنكسادي
ومـسيـره يـنكـسد بعد النشيّة
وذي وجـهة نظر شخص(ن) حيادي
سـمع مـا قـيل في شكوة خويّه
