الملام
عـلى طـرواك راودنـي ملامـك
وعـلى مـجفـاك بكتبلك ملامي
ذكـرتـك بـالـمسا والليل حالك
لـفى وأرخى سـدوله في وئامي
طـريـق(ن) يسلكه ما هو بتارك
أمـر مـكتـوب من رب الأنامي
مـساكـم ورد جـوري غير ذلك
عـبير(ن) خالطه طيبن(ن) مدامي
روايـح فـوحـها زاكـي مبارك
تـهب بـالـحال بأسرع إغتنامي
لـفت صـوبـك على أبواب دارك
بـنيّة شـاعـر(ن) قصده غمامي
عـلوه مـا تـطولـه لـو قصالك
ولـو طـارت عـزومك بالهيامي
تـرفـع فوق وأصحى من منامك
وحـدثـني عـلى فـكر(ن) مرامي
تـجاوب مـع حـديثي قل وشارك
لـجل نـصنـع حوارن في تنامي
كـبيـر الـقوم ضل دربه وماسك
عـلى منصب خلا من أي نظامي
عـلى مـلك(ن) تـملك في تمالك
علا صـوتـه على تبع(ن) نيامي
صـغيـر الـقوم وسّـع بالمدارك
بـنى فـكر(ن) مـنظم بإهتمامي
فـي عـصر(ن) ماتهمه المدارك
ومـا هـمّه عـزومك يا الهمامي
لـكن حـربـن مـداها بالمعارك
مـحال(ن) تـنتهي بك بإنهزامي
لأنـه بـالـعزم كـلن يـهابـك
ولأنـه بـالـعزم تـرفع مقامي
سئلـني ذل زمـانـي وين دارك
تـجاهـلتـه وهـو واقف أمامي
قـلتـله لا تـكرر لـي سؤالـك
ولاتـنشـد عـن الـلي ما يلامي
زمـانـي غـير وانته لك زمانك
وانـا مـا كـل فطن يفطن كلامي
نشدته يا زمن وش بك علامك ؟!
عـن الـلي جار تظهر له تحامي
تـدافـعلـه وتـبدع فـي دفاعك
وتـكسـبلـه قـضيته بالتمامي
مـا كـّنك غير حامي عن مهالك
ومـكنـها وكّـلت غيرك محامي
رعـا الله يوم رجل(ن) كف لسانك
عـلى مـاضـيه ما ينشد علامي
وشـللـي صـار مـايذكر كلامك
مـن الـزلات مـا تحصد وسامي
لـكنه ذا حـصد الـف(ن) وسامك
وقت محد(ن) في هالدنيا يسامي
تـبي تـظهـر بـقيـمة من زمـانك
تـمحـور حـول هـالدنيا ونامي
وخـص شخصن(ن) تعنّالك ولامك
بـحلـم(ن) أخـتمـه لك بالسلامي
عـتابـي ذا تـهيـالـك وجـالك
ما هوب حلم(ن) تشوفه في المنامي
