أصعب قرار

صمتي تركته في فمي لجل أتخذ آخر قرار      لـكنـني أو أنـني لا صـمت .. يـحلى لي معي

يـا قـصتي أو ملحمة كل الطرق بالإختصار      إبقى هنا _ لا لن أعوفك أوأخونك تسمعي؟
.........

كنتي تقولي لي تعال البارحة
وأنتي تجي وأنا بعد مثلك أجي
والليله وين أنتي ووين البارحه
تدرين وش أكبر مصيبة بينا؟
لما تروحي / .. وأحترق لما تجي
والأكثر أنك من تروحي أحترق
حظك على كيفك تسمينه فراق
وإلا أنا أصلا عيوني حالفه
الحب عمره ماصدق بالأختلاق
الحب أكبر من مشاعر زايفه
ماكنتي إلا في بساتيني ورد
وماكنت انا إلا على شانك أغار
أخاف لامن مرتك عيني بعمد
أشوف عيني هايمه بعينك وأغار
..........

صمتي وعلمته الحكي واليوم من بعد أنتظار
ماخانني لجل السكوت ويخونني لجله فمي
لكنني ياقصتي دام بيدي آخر قرار
اليوم /.. هذا اليوم أول يوم ويخونك دمي
تدرين ... وش أصعب قرار؟
أنك هنا لجلي أنا
وأني هنا لجلك أنا
وفي الحالتين أصعب قرار
ولما يكون الحب أكمل غايته
وأني بلا أحباب .. فاقد كل شي
كنتي لي السيرة وأول ماكتبت
وكنتي لي الغرفة وأقلام الرصاص
وكنتي على الأول وأول ماشطبت
......

لاباس لو رحتي وقلتي لي تعال
ولاباس لو جيتك وقلتي لي أروح
أدري بأنك من تجي ... مقدر أجي
وأدري بأني من أجي كلي جروح _
....

البارحه أنتي وأنا
وأنتي أنا والبارحه
صعبه أنا وأقبل أنا
حتى الأنا لي جارحة
مدري ببالك من يمر
وإلا ببالك سارحه
ما خنت أنا لجلك أحد
ولا خانني لجلك أحد
........

شميت بك ريحة عذر
وشميت بي أحلى صبر
ومن يهدي الضحكه لأنثى
ويضيع من أجل العذر
والله ماترضيه أنثى
لو شالها عيونه جمر
....

لحظة أبدل معطف البرد وأجيك
وأحن لك لين أشتعل حبة دخان
وأكتب على أخر سطر أني أبيك
وإني إلين الآن في نفس المكان
مدري إذا صمتي معي
أو خانه اليوم الوداع
أو مر يجرح مسمعي
وإنه بلا حاجة لسماع
...

الصعب أحلى قبلتين
وأحلى من الطهر العفاف
وأن النهاية بكل صمت
أنهيتها بدون إختلاف
ودونت للقصة عتاب
ولصفحة الأولى غلاف
وخطيت للسيرة كتاب
عنونتها بأصعب قرار

...
يــا مــعطــفي ..! الــليــل عــرفــني عـليـك      تــشتــاق لــي لــين أرتـمي بـحضـنك وأنـام

وأشــتاق لــك مــن تــفتـح أزراري بـيديـك      وأحــس فــي صــمتــي نــطق لـجلـك سلام

ولـــو قــلت لــي والــبارحة م قــدر أجــيك      مــا كــان فــي صــمت الــكتــب هـذا الـكلام