الـوجـع لا صد صوبك قام يبرى من غلاك
انـت نـور الـبدر ضـيك صـورتك وحي الخيال
الذهب في الكون نادر ما خلق ربي شراك
والـزهـر مـا عـاد يـرخص دام يشبه هالجمال
الـشمس لحظه وتغرب وإنت متمكن حلاك
شـفت هـذا الـكون كله من جنوب ومن شمال
يـفتـديك الكون والله وأرخص الغالي فداك
ولـو تـبي عـيونـي يـتيـمه شلت منها هالزلال
الأدب والـطيـب مـبدأ صـيغتك محد سواك
مـن جمال الكون أجمل وأبدعت فيك الخصال
والـعطـر لا صـد صـوبك قام يتنفس هواك
انـت ريـحك مـعجـزه يـا كـيف تـتصـور محال
إي مـحال الـعطـر كـله لـو تـعطر به ملاك
مــن ثــيابـك غـير وأحـلى مـا يـبادلـك بـزوال
ولـو دقـيقه تمنحيني وأدعي وربي رعاك
كـنت أتـعطـر بـعطـرك لـجل أدخـل هـالـمجـال
مـو كـفايـه كـل مـن حـولك بيتمنى رضاك
وتدري ليش آحب عطرك ومالا داعي للجدال
لان هـذا الـعطـر مـره فـعيـد ميلادك هناك
كـنت أشـمه بـثوب أختك واعذريني يا وصال
ذاك عـطرك أو عـطرها أو تشابهلي معاك
كــنت اشــم الـعطـر مـنهـا وبـثيـابـك لا يـزال
