"سواح انا ماشي ليالي"
افــكّر وانــا جــالــس مـعا قـهوتـي والـشاي
اودّع هــواجــيســي وشــعري وغــاوونـه
تـرا الـشعـر كـله مـن حكي والحكي وحكاي
لـــكنــي ابــكتــب مــا يــخلّد ويــحكــونــه
انــا ادري بــأن الــحزن مــتغــلّقٍ بـأقـصاي
و (عَ) مـرّ الـزمـن لاحـداث تـبنـي له حصونه
انـا الـحزن ماشجاني وانا اطريه في معناي
ولا اريـد مـن يـسمـعنـي يـتهـيض شجونه
ي شين الرجل ببكاه مع صوت عزف الناي
وي حــلوه لا مـنه صـاح والـنار بـعيـونـه
انــا الــلي تـعايـابـي زمـانـي يـجيـب شـفاي
وانـا الـلي م فـاده عـشب وشـيوخ يقرونه
انــا الــريـح والامـواج مـا تـدري بـشكـواي
وانـا الـلي خـذيـت مـن الـبحر غبتّه ولونه
انــا الــسيــح بــرمــالـه وقـفراه لـي شـكّاي
جــفاه الــمطــر مــدّة, وبــدوه يــجافــونـه
اذا شـفتـني حـافـي الـقدم والـبشـت مـرماي
تــرا الــمرجــلة مـا هـي بـبشـتٍ يـرزونـه
ابــجلــس ولــو كــل الــبشـر واقـفة بـحذاي
لأنــي أبــوقــف مــوقــفٍ مــا يــرومــونـه
تــرا الــناس وشّاية وانــا مــانــي بـوشـاي
وانـا مـانـي بـمجـنون اذا الـناس مـجنونة
اذا مـن تـخاصـمنـا انـا وصـاحـب ف دنـياي
عـلي عـهدْ لاسـراره م تـفشى ومـصيـونة
اعــز الـخوي عـزة ومـرسـاه مـن مـرسـاي
واحـقر الـردي واعـرف نـوايـاه وضـنونه
مــخاوي هــل الــذلة مــثل مــيت لـه عـزّاي
ومــخاوي هـل الـعزة ي حـيّه ويـا عـونـه
واذا ادمـــو الـــغزلان ربـــعي انـــا مــغزاي
اجــي بــصيــدة مـتعـافـية وعـاد مـزيـونة
عـليـها ي مـلطـفنـي وعـلى غـيرها مقساي
وعـلى وصـلهـا نـاقـص عـقل زوّد جـنونـه
لـو ان حـولـها عـسكر وباب القصر محماي
اوصّل لـــها لـــو دونـــها ألــغام مــدفــونة
تـراها معي تسكن ضميري وباقصى حشاي
م هــي مـن يـمر الـبال لـحضة ويـنسـونـه
ي"سـوّاح انـا مـاشـي لـيالـي" وانا مشّاي
ولا غــنّي فــي دربــي وغــيري يــغنــونـه
ابـرحـل مـثل مـن هـو رحـل مـاهـو بـمعفاي
عــلى نــبل اخلاقــه وطــيبــه م يــعفــونـه
مـثل مـن رحـل يـذكـر زمـانـه وهـو مـنساي
رحــل مـمتـلي صـدره ب ضـوءٍ يـشبـونـه
مـثل مـن قـضى عـمره وهـو طـاعم وكسّاي
تـــعرّوا مـــع الايــام لــلنــاس مــن دونــه
انـا مـانـسى مـن اكـرمـني ومـاني ب نسّاي
مـن الـلي هـداني ومن نووا الغدر يهدونه
تـرا الـحال مـبسـوطة من الفجر لين عشاي
ولا اشكي من الغربة وانا ف دار يشكونه
لـكنـي قـبل مـا ارحـل ي شعري تراني جاي
بـــوفّي نـــذر والـــنذر ديــني ومــديــونــه
وابـكتـب عـلى ورقة ذهـب والـحبـر مـن ماي
مـن الـماس كـان الـماس له ماي يشرونه
بـخط الـقلـم ب ابـيات تـبقـا وانـا ي عـساي
م يــذكــر مــع الابــيات اسـمي ويـطرونـه
ابــكتــب مـن الابـيات تـوصـفنـي وشـرواي
عـــليــها مــع الابــداع دهــشة ومــوزونة
م يـعرف خـوافـيهـا سـوا مـن سمع رجواي
وأبـوطـالـب الـلي مـا يـردّ الـلي يـنصـونه
ابــيع الــعمــر لاجـله ول رضـاه انـا شـرّاي
خــويٍّ تــعاهـدنـا عـلى الـصدق ونـصونـه
عـلى الـضيـق يـفداني وانا فداه كل اعضاي
وترا الروح قبل احشاي واعضاي يفدونه
1/12/2009
