فــديــتهـا مـن زعـلهـا لا رضـاهـا

وفــديــتهــا كـل مـانـسنـس هـواهـا

تـزعل وترضى وتزعل ثم ترضى

وانــا اقــول الــزعــل كــله فــداهـا

ازعـل عليها؟ حشى وشلون بزعل

 وانـا الـخجـل يكتسيني من عطاها

قـبل الـغروب انـتظـرهـا بـساعتين

 واسـكب دمـوعي عليها من وراها

آحــاتـي دمـوعـها لاتـطيـح لـجلـي

ودمــعاتــي اطــيح وتــقبـل ثـراهـا

الــلي تــحبــه، قـبل يـنطـق كلامـه

يــذوب ثــم يــتبــخر فــي ســماهـا

والـلي تـحبـه، قـمرهـا وهيّ شمسه

ظــلّم اذا غـاب عـن وجـهه سـناهـا

لــبى انـا، ويـاعـيونـي، ولـبى لـبى

كل ماخذيت ال (نعم) منها و(لا)ها

يـوم اطـبعت اربع حروفٍ ب قلبي

مـن طـيبـها، مـاهـو بـأحـمر شفاها

قـالـت هـدونـي حلاوة وهي حلاوة

مـن هـو بياكل من الثاني حلاها ؟!

الـــعنــق والــخد وعــيونٍ تــزارق

هـذا: بـحرهـا، وصـحراها، وفلاها

حــديــقة خـدودهـا تـغري الـفراشة

ورحـيقـها مـغري ومـغري شـذاهـا

ســعادة الــيوم دايــم فــي صـباحـه

وكـل صبح ريح الصبا مرّ وخذاها

تدرس هي (الصيدلة)، لكن غريبة

مـا قـد قـرت فـي كتبها عن دواها !

دوا الــحزن، والــتغــرّب، والـكآبة

ويـعانـق الـبسـمة مـن عـانـق نباها

 لا تـسألـوني علامي صرت قاسي

لاضــاقـت اخلاقـي وقـلبـي مـعاهـا

قـولـولـها ان خـطت فـينـي مـسامح

مــادام قــلبــي قــبل يــشره بـراهـا

 يـوم اجـرحتني وانا ادري بالمحبة

أحــبهــا، وكــل جـرحٍ مـن جـداهـا

قـالـت: تزوج وانا اللي باخطب لك

 لــكنّ انــا ويــن ابـلقـالـي شـراهـا