كــل الــدروب مــعبّدة إلا طــريــقك يــالــحبـيب
يبغيله مهندس وله خبرة طرق ومواصلات
يـعنـي: اذا بـتصـبر عـليّ اربـع سـنيـنٍ بـالقريب
بَ جـيب لـك دربٍ مـعبّد بـالـورود اليانعات
ما به خطوط، إلا ذهب والماس مع لولو رطيب
تــمشــي عـليـه بلا تـقيّد لــ اللّوافـت والـجهـات
3-1-2009
كل طريق الى العظمة يبدأ بالصمت (اربع سنين)
الـــحمـــد لله كـــاتـــب الارزاق لــعبــاده نــصيــب
مـن يـوم مـنشـاهـا لـيوم الـبعـث حـفيـان وعرات
من قبل اربع والسنين تمر يا المجد الصعيب
خطوة صبر .. خطوة حذر .. خطوة ثقة .. خطوة ثبات
مشيت مالي من حبيب ولا رفيق ولا قريب
إلا انت يالمجد المعلق فوق روس الشاهقات
كــم لــيلةٍ عــدت عــليــك ويــا يــراعـي مـاتـجيـب
وكـم نـادتك عـذرا مـليـحة والـعسـل فـوق الشفات
ما اغراك الا من رهاف البيض وصدور الحريب
مــاهــي تــفكّــك لــين تــردفــها ثــمان مــعلـقات
يــا حــارقٍ صـدري تـراه الـيوم فـاح الـعود طـيب
لا تحسب ان الطيب لك، مالك سوى ذرف عبرات
مـاعـاد تـنفـعك الـحسـافة وفوق راسك شعر شيب
ويـن انـت يـوم انـه فـراشـي جمر وعيونك تبات
حـــنّا ثلاثة وربـــنا مـــن فـــوقــنا حــافــظ رقــيب
نــجري وحــنّا عـقولـنا عـطشـا نـدور شـاربـات
قــدّامــنا مــطنــوخ فـكر وعـقل راجـع والـمصـيب
رايـه ، وافـكاره شـموسٍ سـاطـعاتٍ شـارقـات
تـبقى يـبو طـالـب ذخـر وسـناد وإعـجاب ومـهيـب
مــابـه طـريـقٍ لـلعـظيـم الا بـدا بصـمت وسـكات
صـمتـك وإيـجازك ونـظراتـك وحـكمـاتـك ربـيب
وغـطرسـتك وجـحفلك هيبة منطقك تكسب ثقات
عــجيــب؟ مـابـه شـي فـيك الا وقـلت انـه عـجيـب
كـيف الـصعـاب تسهّلت بيدك وصارت منجبات
لـلذّكـر والـمجـد الـمخـلد فـي الـصحـايـف والـكتيب
ويـدرك بـها من هو فـقد خمس الحواس المدركات
تـردف عـليـك عـداك حـسرات ودموع وطرّ جيب
وايـام مـن حـبّك فـرح وسـرور صبح وممسيات
كــريــم عــن ســقط الــكلام وزلة لــسان الـشريـب
واسـتر عـلى الـمتـستـرة بـألـفيـن مـن سود العباة
غـيبـتك لـو طـالـت تـرا الـحاضـر بـفعـله ما يغيب
وكم روس فوق الارض قلنا ليت تمسي مقبّرات
جـاك الـوعـد يـالـلي تـطالـع مـن بـعيـد ومـن قريب
حـــنّا بــديــنا؟ لا بــعدنــا مــا بــديــنا ومــقبلات
كـل الـدروب مـعبـدة الا انـت يـا الـمجـد الـصعـيب
مـاعـبّدك الا مـهنـدس فـي الـمواقـف لـ عـسرات
19-1-2013 
